Azərbaycanın Bütovlük Platformasının sıraları genişlənir.

ABP toplantısında İranda soydaşlarımıza qarşı təzyiqlər pislənilib.

Azərbaycanın Bütovlük Platformasının (ABP) növbəti toplantısı keçirilib.
Toplantıda ABP-nin İdarə Heyətinə və Məclisinə yeni üzvlər seçilib.
Tanınmış ictimai xadim Kamran Güllər, Milli Azadlıq və Sərhəd Hərəkatının öncüllərindən olan Fərəc Yusifbəyli, gənc fəal Ruslan Rəsulzadə və AMİP Syasi Şurasının üzvü Teyyub İsmayılov ABP İdaərə Heyətinə seçiliblər.
ABP Ali Məclisinin və Nəzarət Təftiş Komissitasının formalaşması ilə bağlı diskussiyalarda ilkin tərkib müəyyənləşib.

Eyni zamanda Kamran Güllər ABP sədrinin mətbuat məsələləri üzrə, Ruslan Rəsulzadə isə təşkilat məsələləri üzrə müavini təyin olunublar.

Toplantıda 20 yanvar Anım Günü ilə bağlı müəyyən tədbirlərin keçirilməsi müzakirə olunub və sədr tərəfindən müxtəlif tapşırıqlar verilib.

Tədbirdə həmçinin son günlər İranda molla rejimi tərəfindən Güneyli soydaşlarımıza qarşı həyata keçirilən qanlı olaylar, o cümlədən günahsız gənclərin edam edilməsi ətrafında müzakirələr aparılıb və fars rejiminin bu əməllləri qəti şəkildə pislənilib