Bayramov Namiq Süleyman oğlu 20 sentyabr 1971-ci ildə Qarabağlar kəndində anadan olub. O, orta təhsilini 1978-1988-ci illərdə Qarabağlar kənd 2 saylı orta məktəbində alıb. Orta məktəbi bitirdikdən sonra Rusiyanın Smolenks Ali Zenit Raket Mühəndisləri hərbi məktəbinə daxil olub. 1992-ci ildə həmin məktəbi radioelektronika avadanlıqlarının istismarı mühəndisliyi ixtisası üzrə bitirib. 1992-1993-cü illərdə Almaniyada Qərb Qoşunları Qrupunda taqım komandiri vəzifəsində, 1993-cü ilin oktyabr ayından isə Azərbaycan Respublikasının Silahlı Qüvvələrində xidmət edib. Uzun müddət Naxçıvan Muxtar Respublikasında Hava Hücumundan Müdafiə təyinatlı hərbi hissələrdə bateriya komandirinin müavini vəzifəsindən Əlahiddə Ümumqoşun Ordusunun idarə rəisi vəzifəsinədək şərəfli xidmət yolu keçib.

2019-cu ildən Heydər Əliyev adına Azərbaycan Ali Hərbi Məktəbində fakültə rəisi, 2021-ci ildən etibarən isə Hərbi Hava Qüvvələrinin idarə heyətində rəhbər vəzifədə xidmət edib.

Namiq Bayramov nümunəvi xidmətlərinə görə, Azərbaycan Respublikası Prezidentinin Sərəncamı ilə “Vətən Uğrunda” ,"Hərbi xidmətlərə görə" medalları ilə müvafiq olaraq “Naxçıvan Muxtar Respublikasına xidmətlərinə görə” nişanı, habelə, “Hərbi xidmətdə fərqlənməyə görə” 3-cü dərəcəli, “Qüsursuz xidmətlərə görə” 1, 2 və 3-cü dərəcəli medalları ilə təltif olunub.
Hərbi Hava Qüvvələrində Hava Təlimi Komandiridir. HHQ ixtisası üzrə kadrların hazırlanması işinə rəhbərlik edir.
Bir məclisdə ,səmimi mühitdə cənab Geniralla təsadüfi rastlaşmağımız və səmimi söhpətimiz müsbət ovqata səbəb oldu . Gənclərlə mehriban söhpət bir daha sübut etdi ki , general bir rütbə deyil təkcə ,eyni zamanda bir xoşbəxtlikdir ki, layiqli insanlara qismət olur .Onların timsalında Vətənə ,Dövlətə,Xalqa məhəbbət,sədaqət vətənpərvərlik ruhunda aşılanır.
Hər kəsə bacım ,qardaşımsınız deyə müraciət edən səmimi və mehriban Generalımızın xeyir duasına xüsusi diqqət və rəğbətlə qulaq asaraq, xatirə şəkili çəkdirib məmnuniyyətlik hissi ilə xudafisləşdik.
Cənab Generalımıza uzun ömür,can sağlığı və məsuliyyətli və şərəfli xidmətlində daim uğurlar arzu edirik.
Baş redaktor: Vəli Əliyev.