İnsan həm bədən, həm də ruhdan ibarət bir varlıqdır. Bu iki sahə bir-birinə bağlı şəkildə işləyir. Fiziki cəhətdən gücsüz və yorğun olan bir insan, zamanla mənəvi olaraq da özünü tükənmiş hiss etməyə başlayır. Fiziki yorğunluq təkcə əzələlərə və bədənə deyil, həm də insanın ruhuna, düşüncəsinə və psixoloji durumuna təsir edir.

Gün boyu fasiləsiz işləyən, istirahət etməyən insan bir müddət sonra həyat eşqini, məqsədlərinə olan marağını və daxili enerjisini itirə bilər. Yorğun bədən, beyinə və qəlbə də mənfi siqnallar göndərir. Nəticədə insan özünü ümidsiz, ruhən boş, hətta mənasız bir həyat içində hiss edə bilər.

Bundan başqa, fiziki yorğunluq insanın diqqətini, dözümlülüyünü və emosional sabitliyini zəiflədir. Əsəbi olur, mənfi düşüncələrə daha çox qapılır, insanlarla münasibətlərində də gərginliklər yaşayır. Bütün bunlar mənəvi yorğunluğu daha da dərinləşdirir.

Bu səbəbdən, insan yalnız ruhunu deyil, eyni zamanda bədənini də qorumağa diqqət yetirməlidir. Yaxşı yuxu, sağlam qidalanma, müntəzəm istirahət və fiziki fəaliyyətlər insanın həm fiziki, həm də mənəvi sağlamlığının açarıdır. Unutmayaq ki, güclü ruh, ancaq sağlam bədəndə yaşayır.
Vəli Əliyev