Əziz dostumuz, qardaşımız Ruhid !
Bu gün sənin həyatının ən gözəl və əlamətdar günlərindən biridir. Doğum günün münasibətilə səni ürəkdən təbrik edir, sənə möhkəm can sağlığı, uzun ömür, ailə səadəti və xidmətində yeni uğurlar arzulayırıq.
Sən dövlətin keşiyində duran, xalqın təhlükəsizliyi və əmin-amanlığı naminə gecə-gündüz çalışan şərəfli peşə sahibisən. Polis olmaq sadəcə bir peşə deyil, böyük məsuliyyət, yüksək vətənpərvərlik və insanlara xidmət amalına sadiqlik deməkdir. Bu müqəddəs vəzifəni layiqincə yerinə yetirərək həm dövlətə, həm də xalqa xidmət göstərirsən.
İnsan ömrünü dəyərli edən yalnız yaşadığı illər deyil, həmin illərdə qazandığı hörmət, etibar və insanlara bəxş etdiyi xeyirxahlıqdır. Sən öz səmimiyyətin, dürüstlüyün, mərdliyinin və yüksək insani keyfiyyətlərinin sayəsində dostlarının, tanışlarının və səni tanıyan hər kəsin rəğbətini qazanmış insanlardansan.
Arzu edirik ki, həyat yolun daim işıqlı olsun, ailənizin üzərindən sevinc və bərəkət əskik olmasın. Uca Allah səni bütün çətinliklərdən qorusun, xidmətində uğurlarını daha da artırsın, qəlbindəki saf niyyətləri həyata keçirsin.
Doğum günün mübarək olsun, əziz qardaşımız Ruhid! Qoy həyatının hər günü bugünkü kimi xoşbəxtlik, sevgi, dostluq və uğurlarla yadda qalsın. Dövlətimizə və xalqımıza xidmət yolunda daim başın uca, qəlbin rahat olsun!
Hörmət və ehtiramla,
Vəli Əliyev və dostların.