Bu gün Azərbaycan Respublikasının daxili işlər naziri, general-polkovnik Vilayət Eyvazovun doğum günüdür.

Həyatda elə insanlar var ki, onların keçdiyi yol təkcə şəxsi taleyin deyil, həm də dövlətə sədaqətin, xalqa xidmətin və Vətən sevgisinin nümunəsinə çevrilir. Belə şəxsiyyətlərdən biri də ömrünü Azərbaycanın təhlükəsizliyinə, qanunun aliliyinin qorunmasına və dövlətçiliyimizin möhkəmləndirilməsinə həsr etmiş hörmətli general-polkovnik Vilayət Eyvazovdur.

28 iyun 1968-ci ildə Naxçıvanın qədim Əbrəqunus kəndində dünyaya göz açan Vilayət Eyvazov zəhmət, vətənpərvərlik və məsuliyyət ruhunda formalaşmış, xidmət etdiyi bütün vəzifələrdə peşəkarlığı, qətiyyəti və yüksək təşkilatçılıq bacarığı ilə seçilmişdir. Onun həyat yolu gənc nəsil üçün dövlətə sədaqətin və vicdanla xidmət etməyin ən gözəl örnəklərindən biridir.

Daxili işlər orqanlarının fəaliyyəti hər zaman böyük məsuliyyət, cəsarət və fədakarlıq tələb edir. Bu məsuliyyətli missiyanın layiqincə yerinə yetirilməsində Vilayət Eyvazovun əməyi danılmazdır. Onun rəhbərliyi ilə hüquq-mühafizə orqanlarının nüfuzu daha da möhkəmlənmiş, ictimai asayişin qorunması və vətəndaşların təhlükəsizliyinin təmin olunması istiqamətində mühüm işlər görülmüşdür.

Doğum günü münasibətilə hörmətli Vilayət Eyvazovu ürəkdən təbrik edir, ona möhkəm cansağlığı, uzun ömür, ailə səadəti və Azərbaycan dövlətinə xidmət yolunda yeni-yeni uğurlar arzulayıram.

Uca Allah hər zaman Sizi və dövlətimizin keşiyində dayanan bütün hüquq-mühafizə orqanlarının əməkdaşlarını qorusun. Qoy Vətənə sədaqətlə keçilən bu şərəfli ömür yolu daim uğurlarla davam etsin.

Hörmətlə:
Vəli Əliyev
Milli Mənəviyyat
qəzetinin Baş redaktoru.