Əziz bacanağım!
Sən mənim üçün təkcə bacanaq deyil, həm də ən əziz, ən etibarlı və ən dəyərli insanlardan birisən. Səninlə hər zaman fəxr etmişəm, bu gün isə qürurum daha böyükdür.

Sən Vətən müharibəsində canını ortaya qoyaraq Azərbaycanın şanlı Zəfər tarixini yazan igid oğullarımızdan biri oldun. Xüsusilə Şuşanın azad olunması uğrunda gedən döyüşlərdə göstərdiyin igidliyə görə Ali Baş Komandan, Azərbaycan Respublikasının Prezidenti tərəfindən medalla təltif olunmağın təkcə sənin deyil, bütün ailəmizin fəxridir. Bu medal sinəndə parlayan bir metal parçası deyil, qəhrəmanlığının, Vətənə sədaqətinin və xalqına xidmətinin ən qiymətli nişanəsidir.

Sənin hərbi forman, daşıdığın şərəfli rütbə, göstərdiyin mərdlik gələcək nəsillərə nümunədir. Allah şəhidlərimizə rəhmət eləsin, qazilərimizə şəfa versin, Vətənimizin keşiyində duran bütün hərbçilərimizi qorusun.

Əziz bacanağım, sənə möhkəm can sağlığı, ailənlə birlikdə xoşbəxt ömür, xidmətində yeni-yeni uğurlar arzulayıram. Qoy Uca Allah səni hər zaman öz himayəsində saxlasın, dövlətimiz və xalqımız sənin kimi igid oğullarla daim güclü olsun.

26 İyun – Azərbaycan Silahlı Qüvvələri Günün mübarək olsun!

Səninlə qürur duyuram!

Dərin hörmət və sevgilərlə,
Vəli Əliyev